Ríkisútvarp fyrir unga fólkið - eini góði punkturinn í Fréttablaðinu í dag

Í Fréttablaðinu í dag var viðtal við þrjá gaura sem ætla að setja af stað einhvers konar prógram fyrir ungt fólk til aðZZZZZZzzzzzzzzzzzzzzzz.

Fyrir utan það, þá komu þeir með einn góðan punkt í þessu viðtali: fyrst að krakkar niður í 16 ára eru farnir að borga nefskatt fyrir RÚV, er það þá ekki sjálfsagt að RÚV höfði til þessa hóps? Til dæmis með Rás 3, sem yrði þá eins og ríkisrekin FM957, nema bara án allra pínlegu stælanna og alls hryllilega málfarsins?

Ég býð mig fram til að stýra þessari stöð. Eða að minnsta kosti einum þætti. Hann gæti heitið Dreams of Number One. Eða Hvar er Birgitta?

Athugasemdir

[Atli (IP-tala skráð) 27.1.2009 kl. 23:09]

Einu sinni viðraði ég þá hugmynd við samstarfsfélaga mína að komið yrði á fót nýrri rás sem útvarpaði klassískri tónlist og vönduðu efni henni tengdu.

Tekið var vel í þessa hugmynd.

Þess vegna munt þú þurfa að stofna þessa lágmenningar-Rás 3 þína yfir minn dauðan líkama.

Í öðrum fréttum: Í ljósi þess að tími Jóhönnu Sigurðardóttur er (loksins) kominn legg ég til að við finnum okkur einhvern stað þar sem við getum grátið saman. Loksins rætast draumar sem kviknuðu í brjóstum tveggja drengja í eldhúsinu á Túngötu 14, þar sem þeir voru nóta bene að búa til útvarpsþátt með hjálp kasettutækis.