Svona listar #2 - Bíóversjón

Verstu myndir ársins

Dark Ride Það er eins og einhver hafi viljað endurgera myndina Funhouse eftir Tobe Hooper, komplett með hæfileikaleysi þess ömurlega leikstjóra, en ekki með neinni ástríðu. Glötuð, glötuð mynd.
The Abandoned Eina myndin sem ég hætti að horfa á í ár
28 Weeks Later Gerði allt illa sem fyrri myndin gerði vel
Dead Silence Frá leikstjóra Saw. Þetta er víst framtíðin.
Disturbia But why? BUT WHY?!

Bestu myndir ársins 2007

1. Zodiac (David Fincher)
2. No Country For Old Men (Coen bræðurnir)
3. Across the Universe (Julie Taymor who can do no wrong)
4. Inland Empire (David Lynch)
5. Sunshine (Danny Boyle)
6. Death Proof (Íslandsvinur #1)
7. The Mist (Frank Darabont)
8. Bug (Einhver sem ég hélt að væri hættur að gera myndir)
9. Enchanted (Disney. All you need to know)
10. Perfume: The Story of a Murderer (Tom Tykwer)

Ég hefði líka getað sett Children of Men og The Prestige á listann (Children hefði verið mjööööög ofarlega), en þar sem þær eru á mörkum þess að vera 2006/7, þá fá þær bara special mention.

Special metion #2

Eating Out 2: Sloppy Seconds Fyndnari en allar "fyndnu" gamanmyndirnar sem komu út í ár.

Jahá. That is that.

Svona listar ...

Because I love it!

2007 LISTMANIA!

BESTU LÖG ÁRSINS

5. Umbrella - Rihanna Ég man nú þá daga sem enginn fílaði þetta lag nema ég og öllum fannst það ömurlegt og enginn trúði mér að það yrði vinsælt. Svo varð það vinsælasta lag í heimi þangað til allir í heiminum fengu ógeð á því og fannst það ömurlegt aftur. Nema mér og Birnu. Við elskum það ennþá. Umbrella-ella-lella-lesbía!

4. Girlfriend - Avril Lavigne Ef þessi listi hefði verið gerður í mars/apríl, þá hefði þetta lag pottþétt verið á toppnum.

3. Song 4 Mutya (Out of Control) - Groove Armada & Mutya Buena Og þetta hefði verið á toppnum næstu vikurnar eftir það. Ég ætla ekki að setja link á vídjóið því einhverjum datt í hug að gera LJÓTASTA VÍDJÓ ALLRA TÍMA við þetta lag.

2. I Get Around - Dragonette Intro - verse - verse - CHORUS DAUÐANS - verse - CHORUS DAUÐANS - bridge - sem fer yfir í CHORUS DAUÐANS.IS þangað til lagið klárast. I can't possibly resist this!



1. Call the Shots - Girls Aloud It's all the no-ou-ou-ou-ou's and the oooooooooooooh's ...



Önnur bestu lög ársins í stafrófsröð eftir tegund ...

Ballaða ársins Early Winter - Gwen Stefani
Comebacklag ársins Chick Fit - All Saints (take that Spice Girls!!!)
Comebacklag ársins #2 2 Hearts - Kylie
Diskólag ársins Let Me Know - Róisín Murphy
Diskólag ársins #2 - Kiss You Off - Scissor Sisters
Dúett ársins Beautiful Liar - Beyoncé + Shakira (bara vegna þess að þetta eru B-Girl og Shake-Shake! SAMAN!)
Kynferðislag ársins Take it Like a Man - Dragonette
Geðsjúkasta lag ársins Sexy! No No No ... - Girls Aloud (líka BESTI TITILL ársins!)
Indípopplag ársins 1234 - Feist
Grenjulag ársins Foundations - Kate Nash
Guilty Pleasure lag ársins - Potential Breakup Song - Aly & AJ (og líka Bullseye, sem var betra ...)
Shoulda-been-a-single-lag ársins Modern Timing - Róisín Murphy
Súper-mainstream-lag ársins Love Story - Katherine McPhee
Tori Amos lag ársins Big Wheel - Tori Amos
What the fuck?? lag ársins Jimmy - M.I.A.
Who the fuck?? lag ársins Ain't No Party - Orson
Unglingapopplag ársins He Said She Said - Ashly Tisdale
Vanmetnasta lag ársins So You Say - Siobhan Donaghy

Og þar sem það komu bara tvö Sugababeslög út í ár, hvorugt í miklu uppáhaldi hjá mér, þá vil ég setja Denial og My Love Is Pink í sérstakt Singles-to-be sæti (koma út á næsta ári ...)

BESTU PLÖTUR ÁRSINS

1. Dragonette - Galore


2. Róisín Murphy - Overpowered


3. PJ Harvey - White Chalk


4. Avril Lavigne - The Best Damn Thing (já, screw the haters!)


5. Sugababes - Change


Einnig fannst mér góðar eftirfarandi plötur
M.I.A. - Kala
Tori Amos - American Doll Posse

En ég vil ekki setja þær í sæti að þessu sinni.

Ennfremur vil ég taka það fram að ég hef ekki ennþá hlustað á Tangled Up með Girls Aloud í heild sinni, en miðað við það sem ég hef heyrt, þá á hún eftir að ýta a.m.k. Sugababes útaf listanum, og kannski Avril og PJ neðar! OMG!

LISTAMENN SEM ERU NÚNA GAMLIR OG GLEYMDIR EN ÉG UPPGÖTVAÐI EKKI FYRR EN Í ÁR:

1. Rachel Stevens - OOOOOOOOMMMMMMMGGGGGGGG!!!!!!
2. Rufus Wainwright - Ditto, nema aðeins meiri "list" ...

BESTU KVIKMYNDIR ÁRSINS

Í VINNSLU!

Ég er á leiðinni!

Jahá, ég er að klára að pakka, fer svo að fá mér morgunmat á Grinko's kaffihúsinu á horninu, fer svo í Wal-Mart að kaupa síðustu gjafirnar, fer svo í franskt bakarí í hádegismat, fer svo að rúnta með Katie (sem bauð mér í Thanksgiving mat) og öðrum, fer svo á flugvöllinn og svo verð ég kominn heim í fyrramálið!

Jei! :D

Í kjólinn fyrir jólin?

Já, ég var að klára heimaprófin mín tvö einmitt núna í þessu, sem þýðir að ég er BÚINN með þessa önn!

Veió!

Annars langaði mig að tala smá meira um tónlist. Pitchfork var birta lista yfir bestu lög ársins. Þau voru fundin út, að ég held, með einhverskonar stærðfræðiformúleringum þar sem topp-25 listar allra gangrýnendanna á Pitchfork voru lagðir saman og svo deilt ...

Já eða eitthvað.

Allaveganna, mér fannst það gríðarlega magnað að eitt af mínum topp 5 uppáhaldslögum í ár - Song 4 Mutya (Out of Control) - lenti í 95. sæti! Kannski ekki mjög ofarlega, en miðað við það að lagið var bara gefið út í Evrópu + Mutya "ex-Sugababe" Buena syngur það, þá finnst mér það bara helvíti gott! Og svo setja þeir hana Sophie Ellis Bextor í sæti líka ... wtf?!

I love it .. en wtf?!

Allaveganna, ég hef heyrt nákvæmlega 10 lög af 100 á þessum glæsilega lista sem gleymdi alveg öllum uppáhaldslögunum mínum. Ég býst við því að enginn hafi sent þeim Call the Shots ...

En það er svosem ekkert leyndarmál að ég er ofsalega mikið á eftir þegar kemur að tónlist. Ég uppgötvaði ekki Fleetwood Mac fyrr en árið 2004. Ég var að byrja að fíla Talkie Walkie með Air núna um daginn. Ég féll fyrir Rufus Wainwright í gær. Ég fíla ekki ennþá Led Zeppelin.

Og ef þetta er besta lag ársins 2007, þá er ég alveg til í að vera smá á eftir ... Þau settu a.m.k. Ömbrellu í 5. sæti.

ps. þeir sem muna ekki eftir Sophie Ellis Bextor, þá ætti þetta að rifja hana upp fyrir ykkur ...

Best og verst í tónlist?

Núna eru öll stóru tónlistarmagasínin (og vefritin) að setja saman lista yfir bestu (og stundum verstu) plötur ársins o.s.frv.

Allt voða týpískt. Radiohead er ofarlega á mörgum listum. Arcade Fire líka. Björk er á nokkrum listum. PJ Harvey líka (eins gott!!). M.I.A. (úje).

En hvar er Róisín? Hvar eru Dragonette?!?! Overpowered og Galore eru óumdeilanlega skemmtilegustu, dansvænustu plötur ársins ársins. Hverjum er ekki sama um nýstárleika? Hvað varð um að bera virðingu fyrir hæfileika?

Ég mun að sjálfsögðu búa til minn eigin lista einhvern tímann þegar ég nenni. Á honum verða nöfn sem ég efast um að séu á mörgum öðrum listum. Hér koma nokkrar vísbendingar:

"Hey hey, you you, I don't like your ..."

"My love is ____ / ever'body knows / so what you think?"

"Just cos you're raising the bet and call the shots no-ou-ou-ou-ou-ow on meeeeee, ooooooooooooh!"

En hvað var uppáhaldsLAGIÐ ykkar í ár? (koma svo, svarið!!)

ps. ég held að ég þurfi að taka til baka slatta af því sem ég sagði um leiðinlega, ósanngjarna kennarann minn. Í dag fengum við endurskrifaðar ritgerðir til baka og, viti menn, ég fékk 10 fyrir þrjár þeirra! Veió!

LISTMANIA! Hvað varð um #1 ... Girl Power músíkstelpur

Já, ég elska og dýrka að búa til lista. Call me crazy. Ég er búinn að gera nokkra svona á mæspeisinu mínu, þar sem þeir eru allir á ensku. Ég nenni ekki að skrifa meir á ensku. Ég tala og skrifa ensku alla daga hérna úti svo nú fær íslenskan að taka öll völd! Hananú og sveimérþá!

Í eftirfarandi listmaníu spyr ég hvað varð um eftirfarandi stúlknapoppperformara sem lofuðu svo góðu til að byrja með! Af hverju vorum við rænd hæfileikum þeirra? Snúa þær aftur? Eru þær dánar? Lesið áfram ...

#3 Amy Studt
Í kjölfar vinsælda Avril Lavigne urðu aðeins-minna sykursætar poppstelpur vinsælar í smástund. Hins vegar dóu flest allar eftirhermurnar út mjög snemma og í dag standa bara Avril og Ashlee eftir. Jú, og svo semi-Avrilíur eins og KT Tunstall og Kelly Clarkson sem vita ekki einu sinni sjálfar hvað þær vilja vera.

En Amy Studt lofaði svo góðu. Eða, öllu heldur, lagið hennar Misfit lofaði svo góðu. Ég eyðilagði álit mitt á stelpunni með því að hlusta á annað lag með henni sem var skelfilega leiðinlegt og hafði ekki hlustað á Misfit í langan, langan tíma, þangað til núna um daginn. Og þá uppgötvaði ég hvað þetta er helvíti gott lag! Jú, Complicated-templateið er augljóst, og það er engin frumleiki hér til staðar, en lagið er skentlett.

Núna er þessi breska stúlka horfin og gleymd. Eða hvað????????!!!!!!!

Hér er Misfit ...


#2 The Faders
Þessar bresku stelpur, eins og svo margar aðrar, urður aldrei frægar útfyrir Bretlandseyjar, og svo hættu þær líka þremur mínútum eftir að þær byrjuðu, svo þær áttu aldrei neinn möguleika á að ná til fjöldans. Sem er leiðinlegt, því þær voru þrusugóðar. Eða a.m.k. fyrsta og eina platan þeirra, Plug in and Play, var þrusugóð.

Ég kynntist þeim í gegnum Veronicu Mars, en þær spiluðu tvö lög í einum þætti. I was hooked right there and then!

No Sleep Tonight er frábært lag!


#1 Dream
Hver man ekki eftir þessari snilldarhljómsveit?!

Ég veit ekki alveg hver hugmyndin á bakvið hana var - einhvers konar stelpu-grúppa fyrir Britney Spears markaðinn. Voða sykursætar, voða mikið popp, voða amerískt. En þær áttu eitt ótrúlega frábært lag - og svo annað sem var soldið gott líka. He Loves U Not með Dream minnir mig ótrúlega mikið á Ísbúðina í Kringlunni og þær gleðistundir sem ég átti þar.

(Meðal annarra laga sem minna mig á Ísbúðina í Kringlunni eru Ain't it Funny og Play með J-Lo)

Það var víst hann Puff Daddy / P Diddy sem sá um Dream stelpurnar, en hann missti greinilega áhugann á þeim fljótlega því þær gáfu aldrei út plötu #2 (þó svo þær hefðu tekið hana upp! omg!) Svo eru þær allar með MySpace, ef þið viljið njósna ...

He Loves U Not (myndbandið er samt svakalega hallærislegt)

Kærar þakkir!

Ég vil nota tækifærið og senda Ömmu og Afa á Blómvangi sérstakar þakkir og kveðjur!

Nammið og Páll Óskar eiga pottþétt eftir að hjálpa mér í gegnum próftörnina! :)

Í augnablikinu er ég að lesa fyrir breskar gamladagsbókmenntir, er að byrja á sonnettunum hans John Donne og svo fer ég yfir í splatter-tragedíuna The Duchess of Malfi, sem er örugglega helmingi blóðugri en myndin sem fylgir klippunni hér aðeins fyrir neðan. Skemmtilegur lærdómur! Í alvöru!

Enn meiri hryllingur

Ætli ég eigi von á þessu þegar ég fer heim um jólin? Eða þegar ég kem aftur til baka? Mamma var að senda mér þessa bloggfærslu og hún er ekki mjög skemmtileg lesning. Ameríkanarnir eru soldið brjálaðir ...

Kuldi, próf og smá horror!

Hér er búið að vera óeðlilega kalt síðustu daga, svona um -20° C. Í dag finnst okkur vera frekar hlýtt því það er bara -3° C ...

Annars taumlaus gleði í gangi hjá mér. Í því sem ég var að læra á fullu fyrir próf (því núna eru "finals" í gangi), þá fann ég fyrir tilviljun titil á kvikmynd sem ég hef verið að hugsa um í næstum því 15 ár!

Já, 15 ár!

Þetta byrjaði allt einhvern tímann árið 1992 þegar ég sá hina merkilegu heimildamynd Fear in the Dark, sem fjallaði um hryllingsmyndir og alls kyns hluti þeim tengdum. Í þessari mynd voru sýnd brot úr fjölmörgum hryllingsmyndum sem hafa síðar komist í mikið uppáhald hjá mér: Opera, Hellraiser, Texas Chain Saw Massacre, og fleiri fleiri.

Fyrir utan allar "frægu" myndirnar sem skörtuðu íkónum sem var mjög auðvelt að þekkja (s.s. Pinhead, Michael Myers eða Gunnar Hansen), þá var slatti af myndum sem ég þekkti ekki þá en hef hægt og rólega verið að bera kennsl á síðan. Þar ber kannski helst að nefna fyrrnefnda óperumynd, enda var flottasta senan úr henni eitt af brotunum í myndinni.

Hins vegar hefur ein mynd - eða brot úr einni mynd - alltaf setið eftir í huga mér, en fyrir utan brotið þá vissi ég ekkert um myndina. Og þar sem það eru talsvert mörg ár síðan ég sá Fear in the Dark þá var ég ekki einu sinni viss um að ég mundi rétt eftir senunni sem var þar sýnd. Mig rámaði í hóp af fólki ... svo var maður sem hristist allur til ... og kona sem fylgdist hrædd með ... og svo allt í einu var fullt af blóði og ógeði sem kom upp úr manninum og ... já, við skulum bara segja að það sem gerðist svo var nógu eftirminnilegt til að skilja eftir ógleymanlegt far í minningum mínum.

Og í dag, skal ég ykkur segja, í dag þá fann ég ekki bara titilinn á þessari mynd heldur SJÁLFA SENUNA! Á YouTube! Guði sé lof fyrir YouTube!

Mér finnst eins og ég hafi verið að ljúka við heilapúsluspil sem ég hef verið að setja saman síðan 1992. Þetta eru mikið gleðitíðindi.

Dömur mínar og herrar, ég kynni fyrir ykkur indónesísku hryllingsmyndina Ratu ilmu hitam (Queen of Black Magic) frá 1979. **VARÚÐ** Þetta er alls ekki fyrir viðkvæmar sálir! Þið eigið aldrei eftir að gleyma þeim myndum sem koma fram í þessari klippu. Trúið mér! Í 15 ár hef ég munað þessi andartök ...

Smásagan þarna ...

Vegna FJÖLDA áskorana (:p) hef ég ákveðið að birta smásöguna sem ég talaði um í færslunni hér fyrir neðan.

Ég bjó þess vegna til glænýtt blogg þar sem ég mun kannski birta eitthvað fleira í framtíðinni.

Enjoy!